Aystexic duq ktexekanaq asxari amen mi anc u darcic
Մոսկվայից Պետրոզավոդսկ չվերթն իրականացնող «Ռուսէյր» ավիաընկերության ինքնաթիռը կոշտ վայրէջք է կատարել Պետրոզավոդսկի օդանավակայանից մի քանի հարյուր մետր հեռավորությամբ` ավտոմայրուղու վրա, գրում են ռուսական լրատվամիջոցները, նախնական տեղեկություններով ինքնաթիռում ազգությամբ հայեր չեն եղել:
«Միջազգային ավիացիոն կոմիտեն» կործանման հնարավոր պատճառ է համարում Պետրոզավոդսկի օդանավակայանում լուսային համակարգի խափանումը, ինչի հետևանքով անձնակազմը չի տեսել, թե ուր է վայր իջնում: Ինքնաթիռն ընկել է օդանավակայանի վազքուղուց ոչ հեռու գտնվող մայրուղու վրա:
Նախնական տեղեկություններով՝ ինքնաթիռն ընկել է ճանապարհով անցնող մարդատար մեքենայի վրա: Այս տեղեկությունը, սակայն, դեռ չի հաստատվել իրավապահների կողմից:
Հայտնի է, որ ինքնաթիռում է եղել նաև ռուսաստանցի հայտնի ֆուտբոլային մրցավար Վլադիմիր Պետայը: Այս մասին հաղորդում է RIA-Novosti գործակալությունը:
Թունիսում երկուշաբթի օրը մեկնարկելէ նախկին նախագահ Զինէլ-Աբիդին Բեն Ալիի հեռակա դատավարությունը, որը մեղադրվումէ պետության դեմ դավադրության, դիտավորյալ սպանության և թմրամիջոցների անօրինական առևտրի մեջ: Այս մասին տեղեկացնումէ Ամերիկայի Ձայնը:
Բեն Ալին և նրա շրջապատի դեմ հարուցվելէ ավելի քան 90 դատական գործ: Թունիսի պաշտոնատար անձանց համաձայն, դատական գործեր են հարուցվել ինչպես քաղաքացիական, այնպեսէլ ռազմական դատարանում:
Նախկին նախագահը, որը հունվար ամսին իր 23 տարվա իշխանավարության դեմ անցկացված բողոքի ցույցերի պատճառով փախուստի դիմեց Սաուդյան Արաբիա, հերքելէ բոլոր մեղադրանքները` ասելով, որ ինքը երբեք չի ունեցել իրեն վերագրվող նման խոշոր գումարներ:
Սաուդյան Արաբիայի իշխանությունները դեռևս չեն արձագանքել նախկին նախագահ Բեն Ալիին Թունիսին փոխանցելու պահանջներին: